Ulat ni Elida Bianca Marcial
Correspondent
Kasalukuyang nag-aaral ng urban farming ang mga 4Ps at CLOA holders association ng Mahabang Parang members sa training at program na inihanda ni Mayor Gerry Calderon katuwang ang Harbest Agritech Services, Angono Municipal Agriculture at SM Foundation.
Ag pag-aaral at training ay nagsimula noong August 10, 2017 at tatagal hanggang sa November 10, 2017 na magsisilbing harvest season nito. Pinangangasiwaan ito ng Agriculture Office sa pamumuno ni Dr. Alejandro ‘Iding’ Medina.
Layunin ng programa na turuan ang mga magsasaka na magtanim ng mga gulay at prutas kahit walang malaking lupa.
Ang urban farming ay ang pagtatanim sa paso, sako, plastic bottles na hindi kinakailangan ng malaking lupa upang makapagtanim.
Ayon sa greengrows.org ito ay “the practice of cultivating, processing, and distributing food in or around a village, town, or city”.
“Ang urban farming natin kahit wala kang lupa kahit semento yan pwede natin itanim ‘yan mga sako, mga balde, mga plastic na pwede pakinabangan. Kahit mga sitaw, talong, kalabasa, upo pwede siya itanim diyan,” paliwanag ni Rowmel Feliciano, presidente ng Farmers Federation sa bayan ng Angono at bise presidente ng sa buong Rizal.
Si Feliciano rin ang may-ari ng lupang ipinahiram para sa nasabing techno-demo farm project na ito na sponsor ang SM Foundation.
Ang nasabing training ay ginaganap tuwing Miyerkules sa Brgy. Mahabang Parang.
Inaasahang aanihin ang iba’t ibang tanim tulad ng vaiety ng honeydew, melon, pakwan at mga hybrid crops na gulay na pang-pakbet at chopsuey.
Ang mga ani na ito ay direkta namang bibilhin ng SM Foundation na siyang nag-provide ng mga seedlings at bilang livelihood assistance sa mga nagtatanim.