Ni Elida Bianca Marcial
Correspondent
Nagpakitang gilas ng kanilang winning moves sa municipal plaza ngayong umaga ng Lunes, October 23, 2017 ang mga batang taga-Angono na kabilang sa grupong Ace of Spades.
Ang grupo ay kinabibilangan ng mga batang may edad na 10 years old hanggang 14 years old at choreographer nila ay si Ace Goto.
Ang Ace of Spades ay nag-uwi na ng mga karangalan kagaya ng champion, Star Got Talent 2015 sa Camp Crame; champion, Binangonan Talent Search 2015; 3rd place, Alaska Dance Contest 2016; champion, Pag-Asa Got Talent 2016 sa Cardona; champion, Tatala Dance Contest 2017 champion; 1st runner up, Elite International 2017;
3rd place, Salubungang Hardin Morong 2017; 2nd place, Bamchetto 2017 (Tagpos); champion, Tagpos Car Show Dance Contest 2017; champion, Saya’t Sayaw sa Marilao, Bulacan Dance Contest 2017; champion, Las Piñas Dance Contest 2017; champion, Hataw Sayaw Pasiklab sa Tayuman Dance Contest; champion, Setsukoi Dance Battle 2017 sa San Lorenzo Taytay, Rizal; champion, SM Angono Street Style Dance Contest 2017; champion, IVC Barangka Dance Contest 2017 sa Barangka, Marikina;
Champion, Hype Philippines Battle for a Crown 2017 sa Century Mall Makati City; 3rd place, Denha Battle of the Champions sa Cabuyao, Laguna; 3rd place, Champions Tour 2017 sa Tanghalang Pasigueño; back-to-back champion sa Royalty National Dance Battle 2017 sa Valenzuela City sa varsity at school division; at 1st runner up, Dance Off Dream Play sa City of Dreams Manila.
Ang grupo ay nagsimula noong 2015 sa pagsasayaw na kanila lamang libangan hanggang sa nakitaan sila ng potensyal para lumaban sa mga patimpalak.
“Noong nagsimula sila ng 2015 malaki na ang pasasalamat namin sa Diyos na itong mga sinasalihan nila ay champion lahat sila. Pag-aaral ang kanilang priority kumbaga ito ay libangan nila, ito na iyong pinakalaro nila,” wika ni Alma Rodrigesa, na ang isang anak ay miyembro ng Ace of Spades.
